ନୂଆଦିଲ୍ଲୀ,୧୫।୬: ରବିବାର ସକାଳେ କେଦାରନାଥରେ ଆର୍ଯ୍ୟାନ ଏଭିଏସନ୍ କମ୍ପାନୀର ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ହେଲିକପ୍ଟରରେ ଥିବା ୭ ଜଣଙ୍କର ମୃତ୍ୟୁ ହୋଇଛି। ଏହି ଘଟଣା ପରେ, ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ହେଲିକପ୍ଟର ସଟଲ୍ ସେବା ପରିଚାଳନା କରୁଥିବା କମ୍ପାନୀ ଆର୍ଯ୍ୟାନ ଏଭିଏସନ୍ ବିରୁଦ୍ଧରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ସୁରକ୍ଷା ସତର୍କତା ସ୍ୱରୂପ, ସରକାର ୧୫ ଏବଂ ୧୬ ଜୁନ୍ ୨୦୨୫ ରେ ଏହି ଅଞ୍ଚଳରେ ସମସ୍ତ ଚାର୍ଟର୍ ଏବଂ ସଟଲ୍ ହେଲିକପ୍ଟର ପରିଚାଳନାକୁ ସ୍ଥଗିତ ରଖିଛନ୍ତି। ଏହା ବ୍ୟତୀତ, ଖରାପ ପାଗ ସତ୍ତ୍ୱେ ଦୁଇଟି ହେଲିକପ୍ଟର ସେହି ଅଞ୍ଚଳରେ ଉଡ଼ୁଥିବା ଦେଖିବାକୁ ମିଳିଥିଲା। ଏହାର ଉଭୟ ପାଇଲଟ୍ଙ୍କ ଲାଇସେନ୍ସ ଛଅ ମାସ ପାଇଁ ବାତିଲ କରାଯାଇଛି।
ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ସୂଚନା ଦେଇଛି ଯେ ଆଜି ଆର୍ଯ୍ୟାନ ଆଭିଏସନ୍ର ଏକ ହେଲିକପ୍ଟର ଏକ ଦୁଃଖଦ ଦୁର୍ଘଟଣାର ସମ୍ମୁଖୀନ ହେବା ପରେ, ଚାରିଧାମ ଯାତ୍ରା ପାଇଁ ଏହାର ସଞ୍ଚାଳନକୁ ତୁରନ୍ତ ସ୍ଥଗିତ ରଖାଯାଇଛି। ହେଲିକପ୍ଟରଟିରେ ପାଞ୍ଚ ଜଣ ଯାତ୍ରୀ, ଜଣେ ଶିଶୁ ଏବଂ ଜଣେ କ୍ରୁ ସଦସ୍ୟ ଥିଲେ। ମନ୍ତ୍ରଣାଳୟ ଆହୁରି ସୂଚନା ଦେଇଛି ଯେ ମେସର୍ସ ଟ୍ରାନ୍ସ ଭାରତ ଆଭିଏସନ୍ର ଦୁଇଟି ହେଲିକପ୍ଟର - ସମାନ ଅନୁପଯୁକ୍ତ ପାଗରେ ହେଲିକପ୍ଟର ଚଳାଉଥିବା କାରଣରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଉଭୟ ପାଇଲଟ୍ କ୍ୟାପଟେନ୍ ଯୋଗେଶ ଗ୍ରେୱାଲ ଓ ଜିତେନ୍ଦ୍ର ହରଜାଇଙ୍କ ଲାଇସେନ୍ସକୁ ଛଅ ମାସ ପାଇଁ ସ୍ଥଗିତ କରାଯାଇଛି। ସୁରକ୍ଷା ସତର୍କତା ସ୍ୱରୂପ, ୧୫ ଏବଂ ୧୬ ଜୁନ୍ ୨୦୨୫ ରେ ଏହି ଅଞ୍ଚଳରେ ସମସ୍ତ ଚାର୍ଟର ଏବଂ ସଟଲ୍ ହେଲିକପ୍ଟର ଉଡାଣ କାର୍ଯ୍ୟକୁ ସ୍ଥଗିତ ରଖାଯାଇଛି।
