ନୂଆଦିଲ୍ଲୀ ୧୬/୦୬: ଅଭିନେତ୍ରୀ ଶିବାଙ୍ଗୀ ଜୋଶୀଙ୍କ ସହ ବ୍ରେକ୍ଅପ୍ ହୋଇଥିବା ନେଇ ସ୍ପଷ୍ଟ କରିଛନ୍ତି ଅଭିନେତା ତଥା ମଡେଲ କୁଶାଲ ଟଣ୍ଡନ । ଦୀର୍ଘଦିନ ହେଲା ଏହି ଯୋଡ଼ିଙ୍କ ଫଟୋ ଏବଂ ଉଭୟଙ୍କ ସମ୍ପର୍କ ବେଶ୍ ଚର୍ଚ୍ଚାରେ ଥିଲା । କିଛିଦିନ ତଳେ ଉଭୟେ ଅଲଗା ହୋଇଥିବା ନେଇ ଗୁଜବ ମଧ୍ୟ ଉଠିଥିଲା । ହେଲେ ଏବେ କୁନାଲ ସେହି ଗୁଜବ ଉପରେ ଷ୍ଟାମ୍ପ୍ ମାରିଛନ୍ତି ।
୫ ମାସ ପୂର୍ବରୁ ଦୁହିଁଙ୍କ ସମ୍ପର୍କରେ ବ୍ରେକ୍ ଲାଗିଥିବା କୁନାଲ ସୋସିଆଲ ମିଡିଆରେ ପୋଷ୍ଟ କରିଥିଲେ । ବେହଦ୍, ବରସାତେଁ, ବିଗ୍ ବସ୍ ଏବଂ ଖତ୍ରୋଁ କେ ଖିଲାଡି ଭଳି ଶୋ’ କରିଥିବା କୁନାଲ କିନ୍ତୁ ଏହି ପୋଷ୍ଟକୁ ଡିଲିଟ୍ କରିଦେଇଛନ୍ତି । ରବିବାର ନିଜ ଇନ୍ଷ୍ଟାଗ୍ରାମ୍ ଷ୍ଟୋରୀରେ କୁଶାଲ ଲେଖିଥିଲେ, ତାଙ୍କର ଏବଂ ଶିବାଙ୍ଗୀ ଜୋଶୀଙ୍କ ମଧ୍ୟରେ ୫ ମାସ ପୂର୍ବରୁ ବ୍ରେକ୍ଅପ୍ ହୋଇସାରିଛି । ସେ ଏବେ ଶିବାଙ୍ଗୀ ସହ ନାହାନ୍ତି । ଅର୍ଥାତ ଟିଭି ସିରିଏଲ ‘ବଡେ ଅଚ୍ଛେ ଲଗ୍ତେ ହେଁ ୪’ର ପ୍ରିମିୟର ପୂର୍ବରୁ ହିଁ ଉଭୟେ ଅଲଗା ହୋଇଯାଇଥିଲେ । ତେବେ କୁଶାଲ ଶିବାଙ୍ଗୀଙ୍କଠାରୁ ଅଲଗା ହେବାକୁ କୁଶାଲଙ୍କ ପ୍ରଶଂସକ ପସନ୍ଦ କରୁନାହାନ୍ତି । ଏପରିକି ଅନେକ ସୋସିଆଲ ମିଡିଆ ବ୍ୟବହାରକାରୀ ଏଥିପାଇଁ କୁଶାଲଙ୍କୁ ସମାଲୋଚନା କରିଛନ୍ତି ।
