ନରସିଂହପୁର, ୧୭/୬(ଆପ୍ର): ନରସିଂହପୁର ବ୍ଲକ ଅନ୍ତର୍ଗତ ରେଗେଡାରୁ ଫତେଗଡ଼ ଯାଉଥିବା ସମୟରେ ନରସିଂହପୁର କମଳାଡିହ ମୁଖ୍ୟ ରାସ୍ତାର ସୀତାରାମପୁର ନଖପଡା ନିକଟରେ ଅଟୋଟି ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡିବାରୁ ଜଣେ ମହିଳା ଗୁରୁତର ଆହତ ହୋଇଛନ୍ତି। ମହିଳା ଜଣଙ୍କ ରେଗେଡା ଗ୍ରାମର ସବିତା ପ୍ରଧାନ ୬୫ ବର୍ଷ ବୋଲି ଜଣାପଡିଛି।
ମିଳିଥିବା ସୂଚନାରୁ ପ୍ରକାଶ ଯେ ସବିତାଙ୍କ ପରିବାରର ୪ ଜଣ ସଦସ୍ୟ ରେଗେଡାରୁ ଫତେଗଡ଼ ଯାଉଥିବା ସମୟରେ ନଖପଡା ସୀତାରାମପୁର ନିକଟରେ ଅଟୋଟି ଭାରସାମ୍ୟ ହରାଇ ରାସ୍ତା ତଳକୁ ଓଲଟି ପଡିଥିଲା। ତେବେ ଅଟୋରେ ଥିବା ସବିତା ପ୍ରଧାନଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ଗୁରୁତର ଅବସ୍ଥା ରେ ତାଙ୍କୁ ଉଦ୍ଧାର କରି ନରସିଂହପୁର ମେଡିକାଲକୁ ଚିକିତ୍ସା ପାଇଁ ଆଣିଥିଲେ। ତାଙ୍କ ମୁଣ୍ଡର ତୋନୋଟି ସ୍ଥାନରେ ସିଲେଇ ହୋଇଥିବା ଜଣାପଡିଛି।
ସୌଭାଗ୍ୟ ବଶତଃ ଅଟୋରେ ଥିବା ଅନ୍ୟ ମାନଙ୍କର ବିଶେଷ କିଛି କ୍ଷତି ହୋଇନାହିଁ।
