ନୂଆଦିଲ୍ଲୀ: ଶନିବାର ଦିନ ନେପାଳର ବାଗମତୀ ପ୍ରଦେଶରେ ଏକ ବସ୍ ଏବଂ ଏକ ଇଲେକ୍ଟ୍ରିକ୍ ଯାନ ମଧ୍ୟରେ ଧକ୍କା ହେବା ଫଳରେ ଅତି କମରେ ୭ ଜଣଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣାରେ ୨୫ ଜଣ ଗୁରୁତର ଆହତ ହୋଇଛନ୍ତି।
ସୂଚନା ଅନୁଯାୟୀ, ଚିତୱାନ୍ ଜିଲ୍ଲାର ପୂର୍ବ-ପଶ୍ଚିମ ରାଜପଥରେ ଧାନଗଢ଼ିରୁ ଏକ ବସ୍ ସକାଳ ପ୍ରାୟ ୧୦ଟା ୧୫ ସମୟରେ କାକରଭିଟ୍ଟା ଆଡକୁ ଯାଉଥିଲା। ଏହି ସମୟରେ ସାମ୍ନାପଟୁ ଆସୁଥିବା ଏକ ଇଲେକ୍ଟ୍ରିକ୍ ଯାନ ସହିତ ବସଟି ଧକ୍କା ହୋଇଥିଲା। ଧକ୍କା ହେବା କ୍ଷଣି ଉକ୍ତ ଇଲେକ୍ଟ୍ରିକ ଗାଡିରେ ନିଆଁ ଲାଗିଯାଇଥିଲା।
ଦୁର୍ଘଟଣା ସମୟରେ ଭୟଙ୍କର ଶବ୍ଦ ହେବାରୁ ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚିଥିଲେ। ଦୁର୍ଗଟଣାରେ ଆହତ ହୋଇଥିବା ଲୋକମାନଙ୍କୁ ଚିକିତ୍ସା ପାଇଁ ବିଭିନ୍ନ ହସ୍ପିଟାଲକୁ ନିଆଯାଇଥିବା ଜଣାପଡିଛି। ତେବେ ଆହତ ମାନଙ୍କ ମଧ୍ୟରୁ ଅନେକ ଜଣଙ୍କ ସ୍ୱାସ୍ଥ୍ୟାବସ୍ତା ଗୁରୁତର ଥିବାରୁ ଆଗକୁ ମୃତ୍ୟୁ ସଂଖ୍ୟା ବଢିବ ବୋଲି ଅନୁମାନ କରାଯାଉଛି।
