ନୂଆଦିଲ୍ଲୀ,୨୪/୦୪: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ୍ ଏବଂ ଇସ୍ରାଏଲ ମଧ୍ୟରେ ଅସ୍ତ୍ରବିରତି ନେଇ ଘୋଷଣା କରିଛନ୍ତି । ଏହାର କିଛି ସମୟ ପରେ ଇରାନ୍ ଏହି ଦାବିକୁ ଖଣ୍ଡନ କରିଛି । ଇସ୍ରାଏଲ ଓ ଇରାନ୍ ମଧ୍ୟରେ ଅସ୍ତ୍ରବିରତିକୁ ନେଇ ଫାଇନାଲ ବୁଝାମଣା ହୋଇନାହିଁ । ଯୁଦ୍ଧବିରାମ କି ସୈନ୍ୟ କାର୍ଯ୍ୟାନୁଷ୍ଠାନ ରୋକିବାକୁ କୌଣସି ସହମତି ହୋଇନି ବୋଲି ଇରାନ୍ ବୈଦେଶିକ ମନ୍ତ୍ରୀ ଅବ୍ବାସ୍ ଅରାଘଚି କହିଛନ୍ତି ।
ଇରାନ୍ ବୈଦେଶିକ ମନ୍ତ୍ରୀ ସୋସିଆଲ ମିଡିଆ ଏକ୍ସରେ କହିଛନ୍ତି, ''ଯେପରି ଇରାନ୍ ବାରମ୍ବାର ସ୍ପଷ୍ଟ କରିସାରିଛି । ଇସ୍ରାଏଲ-ଇରାନ୍ ବିରୋଧରେ ଯୁଦ୍ଧ ଆରମ୍ଭ କରିଛି । ଅନ୍ୟ କିଛି ଉପାୟ ନାହିଁ । ବର୍ତ୍ତମାନ ପର୍ଯ୍ୟନ୍ତ, କୌଣସି ଯୁଦ୍ଧବିରତି କିମ୍ବା ସାମରିତ ଅଭିଯାନ ବନ୍ଦ କରିବା ଉପରେ କୌଣସି ଚୁକ୍ତି ହୋଇନାହିଁ । ଯଦି ଇସ୍ରାଏଲ ଇରାନ୍ ଲୋକଙ୍କ ଉପରେ ଅବୈଧ ଆକ୍ରମଣ ବନ୍ଦ କରେ କିଛି ହୋଇପାରେ । ପ୍ରଥମେ ଇସ୍ରାଏଲ ଆକ୍ରମଣ ବନ୍ଦ କରୁ । ଆମର ସାମରିକ ଅଭିଯାନ ବନ୍ଦ କରିବା ବିଷୟରେ ଚୂଡାନ୍ତ ନିଷ୍ପତ୍ତି ପରେ ନିଆଯିବ ।''
ଅଧିକ ପଢନ୍ତୁ...୧୨ ଦିନ ପରେ ଅଟକିଲା ଇରାନ୍-ଇସ୍ରାଏଲ୍ ଯୁଦ୍ଧ ; ଅସ୍ତ୍ରବିରତି ଘୋଷଣା କଲେ ଡୋନାଲ୍ଡ ଟ୍ରମ୍ପ
As Iran has repeatedly made clear: Israel launched war on Iran, not the other way around.
— Seyed Abbas Araghchi (@araghchi) June 24, 2025
As of now, there is NO "agreement" on any ceasefire or cessation of military operations. However, provided that the Israeli regime stops its illegal aggression against the Iranian people no…
୧ ଘଣ୍ଟାରେ ୩ ଥର ଆକ୍ରମଣ- ଗୋଟିଏ ପଟେ ଡୋନାଲ୍ଡ ଟ୍ରମ୍ପ ଇରାନ୍- ଇସ୍ରାଏଲ ମଧ୍ୟରେ ସିଜଫାୟାର ଘୋଷଣା କରିଛନ୍ତି । ତଥାପି ଯୁଦ୍ଧ ଚାଲିଛି । ପୁଣି ଇସ୍ରାଏଲ୍ ଉପରେ ଆଟାକ୍ କରିଛି । ଇରାନ୍ ଗୋଟିଏ ଘଣ୍ଟାରେ ୩ ଥର ଇସ୍ରାଏଲ ଉପରେ ଆକ୍ରମଣ କରିଛି । ଇସ୍ରାଏଲ ସେନା ପକ୍ଷରୁ ଜାରି ବିବୃତ୍ତିରେ କୁହାଯାଇଛି କି, ଗତ ୧ ଘଣ୍ଟାରେ ତୃତୀୟ ଥର ଇରାନ୍ ମିସାଇଲ ମାଡ଼ କରିଛି । ତେଣୁ ଇସ୍ରାଏଲ ଲୋକ ଜୀବନ ବଞ୍ଚାଇବାକୁ ଅନ୍ୟତ୍ର ଶରଣ ନେବାକୁ ପଳାୟନ କରିଛନ୍ତି । ୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଇସ୍ରାଏଲ ସେନା ପକ୍ଷରୁ ଆଲର୍ଟ ଜାରି ହୋଇଛି ।
