ନୂଆଦିଲ୍ଲୀ,୨୪/୦୬: ବଲିଉଡ଼ ଅଭିନେତା ସଲମାନ ଖାନ୍ । ତାଙ୍କର ଦମଦାର ଅଭିନୟ ପାଇଁ ସେ ଘରେ ଘରେ ପରିଚିତ । ନିକଟରେ ସଲମାନ ତାଙ୍କ ଫ୍ୟାନ୍ସଙ୍କ ପାଇଁ ଏକ ଆଶ୍ଚର୍ଯ୍ୟଜନକ ଖୁଲାସା କରିଛନ୍ତି । କମେଡି କିଙ୍ଗ କପିଲ ଶର୍ମାଙ୍କ 'ଦ ଗ୍ରେଟ୍ ଇଣ୍ଡିଆନ୍ କପିଲ ଶୋ'ରେ ସେ କହିଛନ୍ତି ଯେ, ସେ ଗୋଟିଏ ନୁହେଁ ବରଂ ତିନୋଟି ରୋଗରେ ପୀଡ଼ିତ । ଆଉ ଏ ସମସ୍ତ ରୋଗ ମସ୍ତିସ୍କ ଏବଂ ସ୍ନାୟୁ ଜନିତ ରୋଗ ବୋଲି ସେ କହିଥିଲେ। ତେବେ ଆସନ୍ତୁ ଜାଣିବା କଣ ଏହି ଟ୍ରାଇଜୋମିନାଲ ନ୍ୟୁରାଲଜିଆ ରୋଗ ?
ଟ୍ରାଇଜୋମିନାଲ ନ୍ୟୁରାଲଜିଆ ଏମିତି ରୋଗ, ଯେଉଁଥିରେ ଆକ୍ରାନ୍ତ ହେଲେ ରୋଗୀର ମୁହଁର ଗୋଟିଏ ପାର୍ଶ୍ୱରେ ବ୍ୟଥା ଅନୁଭବ ହୁଏ । ଖୁବ କମ ସମୟ ପାଇଁ ହେଲେ ହେଁ ଏହା ଖୁବ ଯନ୍ତ୍ରଣାଦାୟକ । ଏହା ଟ୍ରାଇଜେମିନାଲ୍ ନ୍ୟୁରାଲଜିଆକୁ ପ୍ରଭାବିତ କରିଥାଏ, ଯାହା ମୁହଁରୁ ମସ୍ତିଷ୍କକୁ ସଙ୍କେତ ପଠାଇଥାଏ ।ଟ୍ରାଇଜେମିନାଲ୍ ନ୍ୟୁରାଲଜିଆ ହେଉଛି ଏମିତି ଏକ ସ୍ନାୟୁ ଯାହା ମୁହଁରୁ ମସ୍ତିଷ୍କକୁ ସଙ୍କେତ ପଠାଏ । ଯେତେବେଳେ ଏହି ସ୍ନାୟୁ କ୍ଷତିଗ୍ରସ୍ତ ହୁଏ କିମ୍ବା ଉତ୍ତେଜିତ ହୁଏ ଖୁବ ଯନ୍ତ୍ରଣା ହୁଏ । ଯନ୍ତ୍ରଣା ବିଦ୍ୟୁତ୍ ଆଘାତ କିମ୍ବା ଛୁରୀ କ୍ଷତ ପରି ଅନୁଭବ ହୁଏ ।ତେବେ ଏହି ଯନ୍ତ୍ରଣା କେବଳ ମୁହଁର ଗୋଟିଏ ପାର୍ଶ୍ୱରେ ହୁଏ । ଦାନ୍ତ ଘଷିବା, ଚୋବାଇବା, ମେକଅପ୍ ଲଗାଇବା କିମ୍ବା ମୁହଁରେ ପବନ ବାଜିବା ଦ୍ୱାରା ବି ଯନ୍ତ୍ରଣା ହୁଏ । ଏହା ଏକ ଦୀର୍ଘକାଳୀନ ଯନ୍ତ୍ରଣା ।
ଟ୍ରାଇଜେମିନାଲ୍ ନ୍ୟୁରାଲଜିଆ ରୋଗରେ ପୀଡିତ ହେଲେ ପ୍ରାଥମିକ ଅବସ୍ଥାରେ ସାମାନ୍ୟ ଯନ୍ତ୍ରଣା ହୋଇଥାଏ । କିନ୍ତୁ ପରବର୍ତ୍ତୀ ସମୟରେ ଅବସ୍ଥା ବହୁତ ଖରାପ ହୋଇପାରେ । ଯନ୍ତ୍ରଣା ଅଧିକ ସମୟ ପର୍ଯ୍ୟନ୍ତ ରହିଥାଏ ଏବଂ ବାରମ୍ବାର ହୋଇଥାଏ । ସାଧାରଣତଃ ମହିଳା ଏବଂ ୫୦ ବର୍ଷରୁ ଅଧିକ ବୟସ୍କ ଲୋକଙ୍କ ମଧ୍ୟରେ ଏହି ରୋଗ ଅଧିକ ପରିମାଣରେ ଦେଖିବାକୁ ମିଳିଥାଏ । ଟ୍ରାଇଜେମିନାଲ୍ ନ୍ୟୁରାଲଜିଆକୁ ଟିକ୍ ଡୁଲୋରେକ୍ସ ମଧ୍ୟ କୁହାଯାଏ । ଟିକ୍ ଡୁଲୋରେକ୍ସର ଅର୍ଥ ଜୀବନ ସାରା ଯନ୍ତ୍ରଣା ସହିତ ବଞ୍ଚିବା ନୁହେଁ, ଚିକିତ୍ସା ଦ୍ୱାରା ଏହାର ନିରାକରଣ କରାଯାଇପାରିବ।ତେବେ ଏହି ଯନ୍ତ୍ରଣା ୨ ମିନିଟ୍ ପର୍ଯ୍ୟନ୍ତ ଅନୁଭୂତ ହୁଏ । ଯେହେତୁ ଏହା ଦିନକୁ ୧୦୦ଥର ହୋଇପାରେ, ତେଣୁ ଯନ୍ତ୍ରଣା ଅସହ୍ୟ ବି ହୋଇପାରେ।
