ଲଣ୍ଡନ, ୨୩/୦୬: ବିଶ୍ୱର ଦୁଇ ନମ୍ବର ଖେଳାଳି ସ୍ପେନର କାର୍ଲୋସ ଅଲ୍କାରାଜ ଦ୍ୱିତୀୟ ଥର କୁଇନ୍ସ କ୍ଲବ୍ ଟେନିସ୍ ଚାମ୍ପିଅନ୍ ହେବାର ସୌଭାଗ୍ୟ ଲାଭ କରିଛନ୍ତି । ପୁରୁଷ ବର୍ଗ ଫାଇନାଲ୍ରେ ସେ ୭-୫, ୬-୭ (୫-୭), ୬-୨ ସେଟ୍ରେ ଚେକ୍ ଗଣରାଜ୍ୟର ଜିରି ଲେହେକାଙ୍କୁ ପରାଜିତ କରିଥିଲେ । ଏହି ମ୍ୟାଚ୍ ଜିତିବା ପାଇଁ ତାଙ୍କୁ ୨ଘଣ୍ଟା ୧୦ମିନିଟ୍ ଲାଗିଥିଲା ।
ଅଲ୍କାରାଜ ୨୦୨୩ରେ କୁଇନ୍ସ କ୍ଲବ୍ ଟାଇଟଲ୍ ଜିତିଥିଲେ । ଫାଇନାଲ୍ରେ ସେ ଅଷ୍ଟ୍ରେଲିଆର ଆଲେକ୍ସ ଡି’ ମିନାଉରଙ୍କୁ ହରାଇଥିଲେ । ଚଳିତ ସିଜନରେ ଅଲ୍କାରାଜ ପଞ୍ଚମ ଟାଇଟଲ୍ ଜିତିଛନ୍ତି । ସେ ରୋଟ୍ଟରଡାମ ଓପନ, ମଣ୍ଟୋ-କାର୍ଲୋ ମାଷ୍ଟର୍ସ, ଇଟାଲିଆନ ଓପନ, ଫ୍ରେଞ୍ଚ ଓପନ ଏବଂ କୁଇନ୍ସ କ୍ଲବ୍ ଚାମ୍ପିଅନ୍ ହୋଇଛନ୍ତି । ବର୍ତ୍ତମାନ ଟେନିସ୍ ଖେଳୁଥିବା ଖେଳାଳିଙ୍କ ମଧ୍ୟ ପଞ୍ଚମ ଖେଳାଳି ଭାବେ ସେ ୪ରୁ ଊଦ୍ଧ୍ୱର୍ ଗ୍ରାସ୍ କୋର୍ଟ ଟାଇଟଲ ଜିତିବାରେ ସଫଳ ହୋଇଛନ୍ତି । ସର୍ବିୟା ତାରକା ନୋଭାକ ଜୋକୋଭିକ୍ ସର୍ବାଧିକ ୮ଟି ଟାଇଟଲ ଜିତିଛନ୍ତି
