ଚାନ୍ଦବାଲି ୧୯/୬ : ଚାନ୍ଦବାଲି ବ୍ଲକରେ ଆଜି ବଡ଼ ଧରଣର ଅଘଟଣ ଘଟିଛି l ବ୍ଲକ ପରିସରରେ ୫ ଲକ୍ଷ ଟଙ୍କାର ଘୋଟାଲା ପଦାରେ ପଡ଼ିଛି l ଅଧ୍ୟକ୍ଷା, ଉପାଧ୍ୟକ୍ଷ ଓ କୌଣସି ନିର୍ବାଚିତ ଜନ ପ୍ରତିନିଧିଙ୍କୁ ନ ଜଣାଇ ଇନଚାର୍ଜ ବିଡିଓ ଯିଏକି ଚାନ୍ଦବାଲି ତହସିଲଦାର ଭାବେ କାର୍ଯ୍ୟ କରୁଛନ୍ତି ତାଙ୍କ ନାଁରେ ଚାନ୍ଦବାଲି ଥାନାରେ ଏତଲା ଦିଆଯାଇଛି l ତଥ୍ୟ ଅନୁସାରେ ଚାନ୍ଦବାଲି ବିଡିଓ ଅଢେଇ ମାସ ଛୁଟିରେ ଯାଇଛନ୍ତି l ତାଙ୍କ ସ୍ଥାନରେ ତହସିଲଦାର ଭବତୋଷ ମଲ୍ଲିକଙ୍କୁ ଦାୟିତ୍ୱ ଦିଆଯାଇଛି l ତେବେ ଶାସକ ଦଳ କଥାରେ ପଡ଼ି ଏହି ଭାରପ୍ରାପ୍ତ ବିଡିଓ ନିର୍ବାଚିତ ବିଜେଡି ଜନ ପ୍ରତିନିଧିଙ୍କୁ ଖାତିର କରୁନାହାନ୍ତି l 

ବ୍ଲକର ଅଧ୍ୟକ୍ଷା ଓ ଉପାଧ୍ୟକ୍ଷାଙ୍କୁ ନ ପଚାରି ଶାସକ ଦଳର ଜଣେ କର୍ମୀଙ୍କ କଥାରେ ପଡ଼ି ବ୍ଲକ ପରିସରରେ ୩୦ଟି କ୍ୟାମେରା ଲଗାଇଛନ୍ତି l ଏହାକୁ ବିରୋଧ କରି ଆଜି ଦିନ ତମାମ ନିର୍ବାଚିତ ଜନ ପ୍ରତିନିଧିମାନେ ଏକଜୁଟ ହୋଇ ଲଗାଯାଇଥିବା ସିସିଟିଭି କ୍ୟାମେରାକୁ ଭାଙ୍ଗିଛନ୍ତି ସିସିଟିଭି କ୍ୟାମେରାର ହାର୍ଡଡିସ୍କ ବିଜେପିର କାଉଁସିଲରଙ୍କ ଘରେ ରଖାଯାଇଛି l ଯାହାକି ବିଜେଡି ସରପଞ୍ଚ ସିମିତି ସଭ୍ୟ ଅଧ୍ୟକ୍ଷା, ଉପାଧ୍ୟକ୍ଷ ବ୍ଲକରେ କ’ଣ ହେଉଛି ତାହା ଦେଖିବା ଲାଗି l ଏହି ଘଟଣାକୁ ନେଇ ଚାନ୍ଦବାଲି ରାଜନୀତି ଚଳଚଞ୍ଚଳ ହେବା ସହ ଉତ୍ତେଜନା ପ୍ରବଳ ହୋଇଛି ।