ଶଗଡ଼ଘାଟ, ୧୬/୬(ଆପ୍ର)  ମୁଖ୍ୟମନ୍ତ୍ରୀଙ୍କ ବଲାଙ୍ଗିର ଗସ୍ତ କାର୍ଯ୍ୟକ୍ରମ ରହିଛି l  ଏହାକୁ ଟିଟିଲାଗଡ଼ ଯୁବ କଂଗ୍ରେସ ବିରୋଧ କରିବା ପାଇଁ ପ୍ରସ୍ତୁତି  କରୁଛି।  ଏନେଇ ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ସୁରଜ ବେହେରା ସାମାଜିକ ଗଣମାଧ୍ୟମରେ ପୋଷ୍ଟ କରିବା ପରେ  ଦିନତମାମ ପୁଲିସ ତାଙ୍କ ଗତିଵିଧି ଉପରେ ତୀକ୍ଷ୍ଣ ନଜର ରଖିଥିଲା l 

ଶ୍ରୀ ବେହେରା  ଟିଟିଲାଗଡ଼ ସ୍ୱାଧୀନ ପଡା ସ୍ଥିତ ବାସଭବନରୁ ଜିଲା କଂଗ୍ରେସ ଉପସଭାପତି କ୍ଷୀରସାଗର ବର୍ମାଙ୍କ ସହ ବାହାରି ସ୍ଥାନୀୟ ଗୋପବନ୍ଧୁ ପାର୍କ ନିକଟରେ ବଲାଙ୍ଗୀର ଯିବା ପାଇଁ ପ୍ରସ୍ତୁତି କରୁଥିଲେ। ଏହି  ସମୟରେ ଟିଟିଲାଗଡ଼ ଥାନା ଆଇଆଇସି କଲ୍ୟାଣୀ ବେହେରାଙ୍କ ନେତୃତ୍ବରେ ପୋଲିସ ବଳ ପହଞ୍ଚି ଉଠାଇ ନେଇଛନ୍ତି l ଏହାକୁ ପୂର୍ବତନ ପ୍ରଦେଶ କଂଗ୍ରେସ ସାଧାରଣ ସମ୍ପାଦକ ମୁକେଶ ଜୈନ ନିନ୍ଦା କରିଛନ୍ତି।