ନୂଆପଡ଼ା,୨୮।୫(ଆପ୍ର): ବଲାଙ୍ଗୀର ଜିଲ୍ଲାର କାର୍ଯ୍ୟରତ ସାମ୍ବାଦିକ ବିଜୟ କୁମାର ପ୍ରଧାନଙ୍କ ଉପରେ ଅସାମାଜିକ ଯୁବକଙ୍କ ତାଲିବାନି ବର୍ବରତାରେ ସଂପୃକ୍ତ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଓ ସାମ୍ବାଦିକ ସୁରକ୍ଷା ଆଇନ ଲାଗୁ ପ୍ରସଙ୍ଗରେ ଆଜି ଜାନ୍ ନୂଆପଡା ଏସ୍‌ପିଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବି ଜଣାଇଛନ୍ତି l 

କିଛି ଦିନ ତଳେ ବଲାଙ୍ଗୀର ଜିଲ୍ଲାରେ କାର୍ଯ୍ୟରତ ସାମ୍ବାଦିକ ବିଜୟ କୁମାର ପ୍ରଧାନଙ୍କୁ କେତେକ ସାମାଜିକ ଯୁବକ ହାତ ଗୋଡ ବାନ୍ଧି ତାଲିବାନି ବର୍ବରତା ସହ କଙ୍ଗାରୁ କୋର୍ଟ ଚଳାଇଥିଲେ l ଏହି ଘଟଣାକୁ ନୂଆପଡା ଜିଲ୍ଲା ସାମ୍ୱାଦିକ ସଂଘ (ଜାନ୍) କଡା ନିନ୍ଦା କରିଛି l ଅଭିଯୁକ୍ତ ଗିରଫ ଯୁବକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ପାଇଁ ଦାବି କରିଥିଲେ l ପୁଣି ଦିନକୁ ଦିନ ସାମ୍ବାଦିକଙ୍କ ଉପରେ ଆକ୍ରମଣ ବଢୁଛି l ତେଣୁ ରାଜ୍ୟରେ ସାମ୍ବାଦିକ ସୁରକ୍ଷା ଆଇନ ଲାଗୁ କରିବା ପାଇଁ ମୁଖ୍ୟମନ୍ତ୍ରୀଙ୍କୁ ଦାବି କରିଛନ୍ତି l 

ବୁଧବାର ଜାନ୍ ସମ୍ପାଦକ ରତନ କେତକିଙ୍କ ନେତୃତ୍ୱରେ ଜାନ୍‌ର ଏକ ଟିମ୍ ନୂଆପଡା ଏସପି ଜିଆର ରାଘବେନ୍ଦ୍ରଙ୍କୁ ଭେଟି ଦାବିପତ୍ର ପ୍ରଦାନ କରିଥିଲେ l ଜାନ୍‌ର ପୂର୍ବତନ ସଭାପତି ମାୟାଧର ସରାଫ, ସଂଯୋଜକ ଅଶ୍ୱିନୀ କୁମାର ପାଣିଗ୍ରାହୀ, ପୁରୋହିତ ସୁନାନି, ସଞ୍ଜୀବ କୁମାର ପାଣିଗ୍ରାହୀ, ଚେତୁରାମ ପ୍ରଧାନୀ, ଚନ୍ଦ୍ରଶେଖର ପଟେଲ, ପୀତବାସ ହାତୀ ପ୍ରମୁଖ ଉପସ୍ଥିତ ଥିଲେ l