ନରସିଂହପୁର,୧୦।୬ ନରସିଂହପୁର ବ୍ଲକ ଅନ୍ତର୍ଗତ ରଣସିଂହପୁର ନିକଟରେ ଅଟୋକୁ ଧକ୍କା ଦେଲା ବାରାହା ପଲ। ଫଳରେ ଅଟୋଟି ଓଲଟି ରାସ୍ତା ତଳକୁ ଖଡ଼ି ପଡ଼ିବାରୁ ଡ୍ରାଇଭର ସହିତ ୪ ଜଣ ଆହତ ହୋଇଥିଲେ। ବେଳେ ସେଥି ମଧ୍ୟରୁ ଜଣେ ଗୁରୁତର ଆହତ ହୋଇଛନ୍ତି।ଆହତ ମାନେ ହେଲେ ରଣସିଂହପୁର ଗ୍ରାମର ମାମିନା ପଳେଇ (୩୫), ପୁଅ ବିଶ୍ୱଜିତ ପଳେଇ (୧୫), ମାମିନାଙ୍କ ଯା ବିମଳା ପଳେଇ (୪୫) ଓ ଜନ୍ତାରିଆ ଗ୍ରାମର ଅଟୋ ଡ୍ରାଇଭର ସଂଗ୍ରାମ ସାହୁ ।
ମଙ୍ଗଳବାର ସଂନ୍ଧ୍ୟାରେ ସମସ୍ତେ ଏକ ଅଟୋରେ ରଣସିଂହପୁର ରୁ ଅରଖବାଡ଼ି ଯାଉଥିବା ସମୟରେ ହଠାତ ୭ ରୁ ଅଧିକ ବାରାହା ଆସି ଅଟୋ ସହିତ ଧକ୍କା ହୋଇଥିଲେ। ଫଳରେ ଅଟୋ ଟି ରାସ୍ତା ତଳକୁ ଖସି ପଡିଥିଲା। ଏଥିରେ ଅଟୋରେ ବସିଥିବା ସମସ୍ତେ ଆହତ ହୋଇଥିଲେ। । ଗୁରୁତର ଅବସ୍ଥା ରେ ସମସ୍ତଙ୍କୁ ଉଦ୍ଧାର କରି ନରସିଂହପୁର ମେଡିକାଲ କୁ ଚିକିତ୍ସା ପାଇଁ ଆଣିଥିବା ସମୟରେ ମାମିନା ଙ୍କର ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ମେଡିକାଲ କୁ ସ୍ଥାନାନ୍ତର କରାଯାଇଛି।
