ଭୁବନେଶ୍ବର,୭/୬ : ଜଗନ୍ନାଥ ଭକ୍ତଙ୍କ ପାଇଁ ଖୁସି ଖବର। ଏଣିକି ଶ୍ରୀ ମନ୍ଦିରକୁ ଦାନ ଦକ୍ଷିଣା ଦେବା ପାଇଁ ଆଉ ଦାତାଙ୍କୁ ପୁରୀ ଆସିବାକୁ ପଡ଼ିବ ନାହିଁ । ଶ୍ରୀ ମନ୍ଦିର ପାଇଁ ଆରମ୍ଭ ହେବ ଡିଜିଟାଲ ହୁଣ୍ଡି । ବିଭିନ୍ନ ବ୍ୟାଙ୍କରେ ମଧ୍ୟ ଡିଜିଟାଲ ହୁଣ୍ଡି ରଖିବାକୁ ଯୋଜନା କରୁଛନ୍ତି ରାଜ୍ୟ ସରକାର । ସବୁ ବ୍ୟାଙ୍କର ସିଏମଡିଙ୍କ ସହ ଆଲୋଚନା ହୋଇଛି । ଏ ନେଇ ଆଇନ ମନ୍ତ୍ରୀ ପୃଥିରାଜ ହରିଚନ୍ଦନ ସୂଚନା ଦେଇଛନ୍ତି ।
ସେହିଭଳି ସେ କହିଛନ୍ତି ମହାପ୍ରଭୁଙ୍କ ଶୁଖିଲା ଭୋଗ ବିଦେଶକୁ ପଠେଇବା ପାଇଁ ସରକାର ଯୋଜନା କରିଛନ୍ତି । ମୁକ୍ତି ମଣ୍ଡପର ପରାମର୍ଶ କ୍ରମେ ପଦକ୍ଷେପ ଗ୍ରହଣ କରାଯିବ । ଉତ୍ତରପ୍ରଦେଶର ଏକ କୋରିୟର ସଂସ୍ଥା ସହ ଏ ସମ୍ପର୍କରେ ଆଲୋଚନା ହୋଇଛି ।
