ବରଗଡ଼ ୧୦/୦୬: ଭିଜିଲାନ୍ସ ଜାଲରେ ଗାଇସିଲେଟ କନିଷ୍ଠ ଯନ୍ତ୍ରୀ। ୮ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ ଡାଙ୍ଗବାହାଲ ପଞ୍ଚାୟତର କନିଷ୍ଠ ଯନ୍ତ୍ରୀ ସୁସ୍ମିତା ଓରାମ। ତାଙ୍କ ନିକଟରୁ ନଗଦ ୮ ହଜାର ଟଙ୍କା ଜବତ ହୋଇଛି। କନିଷ୍ଠ ଯନ୍ତ୍ରୀଙ୍କୁ ପଚରାଉଚରା କରାଯାଉଛି।
ବରଗଡ଼ ଜିଲ୍ଲା ଗାଇସିଲେଟ ବ୍ଲକ ଡ଼ାଙ୍ଗବାହାଲ ପଞ୍ଚାୟତ କନିଷ୍ଠ ଯନ୍ତ୍ରୀ ସୁସ୍ମିତା ଓରାମ ସିସି ରୋଡ଼ କଂକ୍ରିଟ ରାସ୍ତା ତିଆରିର ବିଲ ବାବଦକୁ ଠିକାଦାର ପ୍ରଦୀପ ସାହୁଙ୍କୁ ଲାଞ୍ଚ ମାଗିଥିଲେ। ଏନେଇ ଠିକାଦାର ଭିଜିଲାନ୍ସ ନିକଟରେ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ଭିଜିଲାନ୍ସ ଟିମ୍ ପୂର୍ବ ଯୋଜନା ମୁତାବିକ ଡାଙ୍ଗବାହାଲ ପଞ୍ଚାୟତରେ ଚଢ଼ାଉ କରିଥିଲେ। ସୁସ୍ମିତା ୮ ହଜାର ଟଙ୍କା ଲାଞ୍ଚ ନେଉଥିବା ବେଳେ ଟିମ୍ ମାଡ଼ି ବସିଥିଲା। ତାଙ୍କ ନିକଟରୁ ଟଙ୍କା ଜବତ ହୋଇଥିବା ବେଳେ ଅଧିକ ପଚରାଉଚରା କରାଯାଉଥିବା ଜଣାପଡିଛି। ଏନେଇ ଭିଜିଲାନ୍ସ ଇନ୍ସପେକ୍ଟର ତୁଷାର ମହାପାତ୍ର ସୂଚନା ଦେଇଛନ୍ତି।
