କାଶୀନଗର,୧୦/୬ : କାଶୀନଗର ପଞ୍ଚାୟତ ସମିତିର ୧୦ମ ସାଧାରଣ ବୈଠକ ଅଧ୍ୟକ୍ଷା ବାଲା ସେୟମାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ବୈଠକ ଆରମ୍ଭରୁ ସାଂସଦ ପ୍ରତିନିଧି ରକମ୍ ସତୀଶ ସ୍ବାଇଁ ସଭା ମଞ୍ଚରେ ଚେୟାର ନ ଥିବା ଯୋଗୁଁ ପ୍ରତିବାଦ କରି ତଳେ ଜିଦରେ ବସିଥିଲେ। ଗୃହର ସମସ୍ତ ସଦସ୍ୟ ବିଡ଼ିଓଙ୍କ ଅନୁରୋଧ କ୍ରମେ ସମିତି ସଭ୍ୟ, ସରପଞ୍ଚଙ୍କ ଧାର୍ଯ୍ୟ ସ୍ଥାନରେ ବସିଥିଲେ। ତା’ପରେ ବିଡିଓ ସ୍ବାଗତ ଜଣାଇ ବିକାଶ କାର୍ଯ୍ୟକ୍ରମରେ ସମସ୍ତ ପଞ୍ଚାୟତକୁ ଆସିଥିବା ଦୁଇ ଗୁଣ ଅର୍ଥ ଅନୁଦାନ ସମ୍ପର୍କରେ ୬୦% କିପରି ଖର୍ଚ୍ଚ ହେବ ତାର ବିବରଣୀ ଓ ତାର ଦିଗ୍ ଦର୍ଶନ ଉପସ୍ଥାପନ କରିଥଲେ। କିନ୍ତୁ ବିଡିଓଙ୍କ ବିବରଣୀର ପ୍ରତିବାଦ ଓ ଜିଲ୍ଲା ସ୍ତରୀୟ ଅଧିକାରୀଙ୍କ ଅନୁପସ୍ଥିତି ବ୍ଲକ୍ ବୈଠକରେ ନିଆଯାଉଥିବା ନିଷ୍ପତ୍ତି କାର୍ଯ୍ୟ କାରିତା ହେଉ ନ ଥିବା ବ୍ଲକରେ ସରପଞ୍ଚ ସମିତି ସଭ୍ୟମାନଙ୍କୁ ଗୁରୁତ୍ଵ ଦିଆ ନ ଯିବା ନେଇ ଉଦବେଗ ପ୍ରକାଶ କରି ତାର ପ୍ରତିବାଦାତ୍ମକ ସମଗ୍ର ସରପଞ୍ଚ, ସମିତି ସଭ୍ୟ କକ୍ଷ ତ୍ୟାଗ କରି ଚାଲି ଯାଇଥିଲେ।
ଉଲ୍ଲେଖଯୋଗ୍ୟ ଯେ, ସମସ୍ତ ସରପଞ୍ଚ ବିଜେଡି ଦଳର କିନ୍ତୁ ଜଣେ କଂଗ୍ରେସ ଦଳର ରାମ ପ୍ରସାଦ ପଟ୍ଟନାୟକ ପ୍ରଥମେ ବ୍ଲକର କାର୍ଯ୍ୟ ଧାରାର ଦୁର୍ନୀତି ବିରୋଧରେ କକ୍ଷ ତ୍ୟାଗ କଲାବେଳେ ଅନ୍ୟ ସମସ୍ତ ସରପଞ୍ଚ ଓ ସମିତି ସଦସ୍ୟମାନେ ମଧ୍ୟ କକ୍ଷ ତ୍ୟାଗ କରିଥିଲେ। ବିଡିଓ ଡମ୍ବରୁଧର ମଲ୍ଲିକ ସମସ୍ତଙ୍କୁ ବୈଠକରେ ଯୋଗଦେବା ପାଇଁ ନିବେଦନ କରିଥିଲେ ମଧ୍ୟ ତାଙ୍କ ଅନୁରୋଧକୁ ପ୍ରତ୍ୟାଖ୍ୟାନ କରିଥିଲେ।
