ଭୁବନେଶ୍ୱର,୦୯/୦୬ ପୁରୀ ବଡ଼ଦାଣ୍ଡରେ ଆମିଷ ବିକ୍ରି ହୋଇପାରିବନି । ଶ୍ରୀମନ୍ଦିରରୁ ୨ କିଲୋମିଟର ପର୍ଯ୍ୟନ୍ତ କୌଣସି ବାର୍ ବା ମଦ ଦୋକାନ ରହିବନି ବୋଲି ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସୂଚନା ଦେଇଛନ୍ତି । ସେହିଭଳି ବଡ଼ଦାଣ୍ଡରେ ଥିବା ସବୁ ଘରକୁ ସମାନ ଉଚ୍ଚତା ଓ ସମାନ ଦିଶିଲା ଭଳି ୟୁନିଫର୍ମ ଡିଜାଇନ୍ କରିବାକୁ ଯୋଜନା କରାଯାଉଛି ବୋଲି ମନ୍ତ୍ରୀ ଶ୍ରୀ ହରିଚନ୍ଦନ କହିଛନ୍ତି ।
ମନ୍ତ୍ରୀ କହିଛନ୍ତି, ରଥଯାତ୍ରା ଭିଡ଼ ପରିଚାଳନା ନେଇ ବୈଠକରେ ଆଲୋଚନା ହୋଇଛି । ଶ୍ରୀମନ୍ଦିର ପାଖରୁ ମଦ ଦୋକାନ ଓ ବାର୍ ହଟାଇବାକୁ ନୂଆ ଅବକାରୀ ନୀତିରେ ବ୍ୟବସ୍ଥା ରହିବ । ସ୍ୱାସ୍ଥ୍ୟ ବିଭାଗର କୋଭିଡ୍ ମାର୍ଗଦର୍ଶିକା ହିସାବରେ ରଥଯାତ୍ରା ଆୟୋଜନ କରାଯିବ ବୋଲି ମନ୍ତ୍ରୀ କହିଛନ୍ତି । ସୋମବାର ସେ ରଥଯାତ୍ରା ନେଇ ପୁଣି ଥରେ ସମୀକ୍ଷା କରିବେ । ରଥଯାତ୍ରା ସୁରକ୍ଷାରେ କୌଣସି ତ୍ରୁଟି ହେବନି । କୁମ୍ଭମେଳା ପରେ ରଥଯାତ୍ରାରେ ସବୁଠୁ ବଡ଼ ଧାର୍ମିକ ସମାବେଶ ହେଉଥିବାରୁ ଆମେ ସଜାଗ ରହିବୁ ।
