ଦାରିଙ୍ଗବାଡି,୨୩/୬(ଆପ୍ର): ଦାରିଙ୍ଗବାଡି ବ୍ଲକ ଅନ୍ତର୍ଗତ ସିମନବାଡ଼ି ଠାରୁ ବୁଡାଗୁଡ଼ାକୁ ରାସ୍ତା ନିର୍ମାଣ ହେଉଛି। ଫଳରେ ତିଲୋରୀ ଦେଇ ଯାଇଥିବା ଗୁମାଡି ନଦୀ ଉପରେ ପୋଲ ନିର୍ମାଣ କାର୍ଯ୍ୟ ଜାରି ରହିଛି । ପୋଲ ନିର୍ମାଣ କାର୍ଯ୍ୟ ଚାଲିଥିବା ଯୋଗୁଁ ଲୋକଙ୍କ ଯାତାୟତ ନିମନ୍ତେ ଏକ ଡାଇଭର୍ସନ ରାସ୍ତା ନିର୍ମାଣ କରାଯାଇଛି । ହେଲେ ଅଧିକ ବର୍ଷା ଫଳରେ ନଦୀରେ ଅଧିକ ପାଣି ପ୍ରବାହିତ ଯୋଗୁଁ ଡାଇଭର୍ସନ ରାସ୍ତା ସମ୍ପୂର୍ଣ୍ଣ ଧୋଇ ହୋଇ ଯାଇଛି ।
ଫଳରେ ସିମନବାଡ଼ି ଠାରୁ ତିଲୋରୀ,ବୁଡ଼ାଗୁଡା ଓ ଗୁମିକିଆ ପଞ୍ଚାୟତକୁ ଯୋଗାଯୋଗ ସଂପୂର୍ଣ୍ଣ ରୂପେ ବିଚ୍ଛିନ୍ନ ହୋଇଛି । ଉଭୟ ପଟୁ ଗାଡ଼ି ଗୁଡ଼ିକ ଠିଆ ହୋଇ ରହିଛି । ଲୋକେ ଯାତାୟତ କରି ପାରୁ ନାହାଁନ୍ତି । ଫଳରେ ୩ ଗୋଟି ପଞ୍ଚାୟତବାସୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏଣୁ ଯଥା ଶୀଘ୍ର ଡାଇଭର୍ସନ ରାସ୍ତା ନିର୍ମାଣ କରିବାକୁ ଅଞ୍ଚଳବାସୀ ଦାବି କରିଛନ୍ତି ।
