ରାଇରଙ୍ଗପୁର ୭।୬(ଆପ୍ର) : ରାଇରଙ୍ଗପୁର ଗ୍ରାମ୍ୟ ଉନ୍ନୟନ ଓ ନିର୍ମାଣ ବିଭାଜନରେ ମିଥ୍ୟା ବିଲ କରି ରାସ୍ତାର ରକ୍ଷଣାବେକ୍ଷଣା ଟଙ୍କା ହଡପ ହୋଇଥିବା ଅଭିଯୋଗ ହୋଇଛି । ରାସ୍ତାର ଚିପ୍ସ ବାହାରି ପଡ଼ିରହିଛି ୫ ବର୍ଷ ପୂର୍ବରୁ ହୋଇଥିବା ପ୍ରଧାନମନ୍ତ୍ରୀ ରାସ୍ତା। । ମିଥ୍ୟା ବିଲ କରି ୪ ଥର ରାସ୍ତାର ରକ୍ଷଣାବେକ୍ଷଣା ଟଙ୍କା ହଡପ କରାଯାଇଛି। ଏପରିକି ଅଧାରାସ୍ତା ମରାମତି କରି ଶେଷ ରକ୍ଷଣା ବେକ୍ଷଣା ପଇସା ଖାଇବାକୁ ପ୍ରୟାସ ହେଉଛି ବୋଲି ଅଭିଯୋଗ ହୋଇଛି। ଆରଟିଆଇରେ ରିପୋର୍ଟ ମାଗିବାରୁ ୪୦ ଦିନ ପୂର୍ବରୁ ହୋଇଥିବା ରକ୍ଷଣାବେକ୍ଷଣା କାର୍ଯକୁ କାର୍ଯ୍ୟ ଚାଲୁ ରହିଛି ବୋଲି ଅଧିକାରୀ ଜଣାଇଛନ୍ତି। ଗ୍ରାମବାସୀଙ୍କ ଅଭିଯୋଗ ଓ ସୂଚନା ଅଧିକାର ଆଇନ ବଳରେ ଏହା ଜଣାପଡିଛି।
ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମ୍ୟ ନିର୍ମାଣ ବିଭାଜନ ଦ୍ୱାରା ନିର୍ମିତ ହୋଇଥିବା ନାଗଭଣ ଠାରୁ ଧଳାଡ଼ିହି ପ୍ରଧାନ ମନ୍ତ୍ରୀ ରାସ୍ତା । ସରକାରଙ୍କ ନିୟମ ଅନୁସାରେ ପାଞ୍ଚ ବର୍ଷ ରାସ୍ତାର ରକ୍ଷଣାବେକ୍ଷଣା ଦାୟିତ୍ୱ ଠିକାଦାର କରିବା କଥା । କିନ୍ତୁ ସୂଚନା ଅଧିକାର ନିୟମ ରିପୋର୍ଟ ଓ ସୂଚନା ଫଳକ ଅନୁଯାୟୀ ଏହି ରାସ୍ତା ଏକ କୋଟି ସତର ଲକ୍ଷ ଚାରି ହଜାର ଟଙ୍କା ବ୍ୟୟରେ ୧୮।୦୭।୨୦୧୯ ରେ ଆରମ୍ଭ ହୋଇଥିଲା। ୨୯।୦୧।୨୦୨୧ ମସିହାରେ ସମ୍ପୂର୍ଣ୍ଣ ହୋଇଥିଲା । କିନ୍ତୁ ଗତ ପାଞ୍ଚ ବର୍ଷ ଭିତରେ ରାସ୍ତାର ରକ୍ଷଣାବେକ୍ଷଣା ହୋଇନାହିଁ ବୋଲି ଗ୍ରାମବାସୀ ଅଭିଯୋଗ କରିଛନ୍ତି।
